Lideri i
Aleancës për Ardhmërinë e Kosovës, Ramush Haradinaj, sërish ka
kritikuar qeverinë për mungesë plani për integrimin e veriut të vendit.
Në një konferencë për media, Haradinaj kërkoi që qeveria të jap llogari
për qytetarët rreth humbjeve që po pëson Kosova nga mungesa e
autoritetit në veri si humbjet milionëshe nga mungesa e funksionimit të
doganave atje.Haradinaj ditë më parë ka propozuar që në
funksion të integrimit familjeve serbe t’u ndahen nga dy mijë euro si
ndihmë në prag të dimrit. Kryeministri Hashim Thaçi i ka cilësuar
qesharake ide të tilla. Haradinaj të hënën u kundërpërgjigj me
shembullin e ndarjes së traktorëve për familjet serbe kohë më parë nga
ana e kryeministrit.
Kryetari i AAK-së ripublikoi edhe letrën të cilën me 21 prill ua ka
dërguar kryetarit të Kosovës, Fatmir Sejdiu, dhe kryeministrit, Hashim
Thaçi, në të cilën ai ofron ndihmë për veriun e Kosovës.
Haradinaj tha se së shpejti do të publikojë edhe një letër tjetër që i ka dërguar këto ditë krerëve të institucioneve.